Våre produkter

Rabben er ein halvfast upasteurisert kvitost. Rabben betyr ein rundforma kolle og er navnet på sjølve osten, oppkalla etter plassen fjos og ysteri står på. Pøyg, Trave og Trave vellagra er tilleggsnavnet som beskriv lagringstida.

I utsalget på garden får ein kjøpt våre eigne varer som ost, yoghurt og egg. I tillegg har me litt andre lokale produkter som eplemost, torka eple, honning, syltetøy, granola, knekkebrød og flatbrød. Vareutvalget kan variera litt frå sesong til sesong.

Pøyg

Pøyg er ein gamalt Ryfylkeuttrykk og tyder halvaksen gut. Pøyg er lagra i 3-6mnd og er den yngste osten og difor berre halvvaksen.

Berre pøygjen i osteverden.

Pøyg blei tildelt gull i NM i ost 2021.

Trave

Trave er og eit Ryfylkeuttrykk, men meir kjent og brukt også i dag. Trave er ei ugangskråke, ein luring. Iallefall har me nokre av dei i heimen. Trave er lagra i 6-12 mnd. Den kan variera på smak alt etter om me tar den ut frå lageret når den er 6 eller 12 mnd. Altså ein luring og passar difor godt navnet sitt, den traven.

Vellagra Trave

Farr er den eldste. Den er lagra i minimum 18 månader. Den er kraftigare på smak, nøtteaktig og krystallisert. Passer godt både som kvess og som krydder på maten.

Ryfylkeosten

Me måtte jo ha ein ost som heitte Ryfylkeosten, etter tips frå Klostergården. Detta er ein kremost modna på mjølkesopp i 10-14 dagar. Den er gasnke fersk då me pakkar den. Er litt "tørr", men kan smøras. Den modnes vidare i pakningen og blir berre betre og betre. Den er på sitt besta då den nærmar seg utløpsdato.

Ryfylkeyoghurt

Naturellyoghurt som er drenert og krema. Den er søt, frisk og mild i smak og fyldig i konsistens.